Удакладнены парадак правядзення атэстацыi педагогаў

Пастановай Мiнiстэрства адукацыi ад 1 красавіка 2024 г. № 36 унесены змяненні ў Інструкцыю аб парадку правядзення атэстацыi педагагiчных работнiкаў сiстэмы адукацыi (акрамя педагагiчных работнiкаў з лiку прафесарска-выкладчыцкага складу).

У прыватнасці, прававым актам:

• удакладнены пералік устаноў, педагагічныя работнікі якіх падлягаюць атэстацыі;
• скарэкціраваны парадак стварэння атэстацыйных камісій;
• аптымізаваны ўмовы атэстацыі педагагічных работнікаў на прысваенне кваліфікацынай катэгорыі «настаўнік-метадыст» (ад здачы кваліфікацыйнага экзамену пры праходжанні атэстацыі на прысваенне гэтай кваліфікацыйнай катэгорыі дадаткова вызваляюцца педагагічныя работнікі – аўтары падручнікаў, вучэбных дапаможнікаў, якія афіцыйна зацверджаны або дапушчаны Міністэрствам адукацыі да выкарыстання ў адукацыйным працэсе).

Пастанова ўступае ў сілу пасля яе афіцыйнага апублікавання.

Сачыце за раздзелам «Официальное опубликование».

Іншыя навіны Pravo.by.

Па інфармацыі Нацыянальнага прававога Iнтэрнэт-партала Рэспублікі Беларусь
Пры выкарыстанні матэрыялу спасылка на Нацыянальны прававы Iнтэрнэт-партал Рэспублікі Беларусь абавязковая!

Нашли ошибку? Выделите текст с ошибкой и нажмите «Ctrl+Enter».