Прывілей Полацкай зямлі 1511 года

ПРЫВIЛЕЙ ПОЛАЦКАЙ ЗЯМЛI 1511 года

Привилеи бояром, мешчаном и всеи земли Полоцкои на права и вольности ихъ [Жикгимонта I] водлугъ привилеев великих кн(я)зеи Витовта, Жикгимонта и Скиргаила

23.07.1511 г.

Во имя Б(о)жье, амин. Все, што ся деет подъ часомъ от ч(о)л(о)в(е)чее памяти, споломъ сплывает с часомъ ани ку знаимости напотомъ будучимъ прыити можеть, бы не вложенемъ писма на последтьш вчинъки были захованы, а прото ку векуистои тое речи памяти, мы, Жикгимонт, з ласки Божее король польские, великий кн(я)зь литовъскии, рускии, кн(я)жа пруское, жомоитскии и иных панъ и де-дичъ, чинимъ знаменито симъ нашимъ листомъ, хто на него посмотрить або чтучи въслышит, н(ы)нешнимъ и потомъ будучимъ, кому бу-деть потреб того ведати.

Били намъ чоломъ бояре полоцъкие и мешчане, и вес город, вся земля Полоская, и клали передъ нами листы отца нашого Казимира и брата нашого Алексанъдра, королевъ и великих кн(я)зеи их м(и)л(о)сти, штожъ их м(и)л(о)сть перво сего пожаловали их и дали имъ права вольная, добрая хрестиянская, какъ в Короне Польской, как жо и перво того которое доброволенство мели отъ предков наших великих князей, отъ великого князя Витовъта и Жикгимонта, и Скиргаила, и просили насъ, абыхмо имъ вси тыи права и доброволеньст-ва нашимъ привильемъ потвердили.

Мы, || [510 адв (494 адв.)] бачачи, ижъ яко предкове их, такъ и они завъжды у суполнои веръности заховали ся ку предкомъ нашимъ и к намъ, хотячы имъ тую сталость их веры и послугу шчедростливостью нашою панскою отьдати, з особливое ласки нашое, вси тые доброволеньства, листы предъковъ наших и отца, и брата нашого, королев и великих кн(я)зеи, ихъ м(и)л(о)сти, симъ нашимъ листомъ потвержаемъ и права волная хр(и)стиянская добрая и справедливая сим нашимъ прывильемъ на вечные часы даемъ.

Напервеи, в ц(е)ркви Божи и в ыменья церковъные намъ не въступати ся, в дом Божий С(ве)т(о)го Софея и въ домъ Божи Светого Спаса, и в ыные домы церковъные намъ не въступати ся. А хто кого оба-дит [A3P, II, 70: обвадит] явно а любо тайно, ино намъ его не казнити ни одною виною, ани именем, ни нятствомъ, ни серебромъ, ни шыею, олижъ поставити его очи на очи на явъномъ суду хрестиянъ-скомъ, и того, хто вадилъ, и того, хто на кого вадилъ, и досмотревъши межы ними правое нити, хто будеть што заслужилъ, какъ право вкажеть, такъ его казънити, а который которую вину будеть заслужил ъ, ино того самого казнить по его вине. А жоны и детей не заи-мати, а именья не рушати; нежли который будеть в томъ деле, а то ведал, тых казнити. Проступит ли отецъ, ино отца казнити; проступит ли сын, ино сына казнити, а отца за сынънюю вину не казънити, а сына за отцову вину не казънити, только того самого казнити, хто виноват будеть.

Такъже хто держить отьчинная именя своя, а любо што кому будеть великий кн(я)зь Витовтъ далъ, и великий кн(я)зь Швитрыгаило далъ, и отец и брать нашъ, короли их м(и)л(о)сти, што кому дали, и мы што кому дали, то ему держати, какъ в Королевъстве Полскомъ кн(я)зи || [511(495)] и Панове, и мешчане держать. Въсхочет ли свое именье хто продати или заменити с кимъ, ино намъ або наместникомъ нашимъ явивши, продати и заменити, а въ купленины намъ полоцкий не въступати ся. Такъже и въ безадшчины [АЗР, II, 70: безотчизны] ихъ и в отмеръщчины не вступатися намъ.

Такежъ который бояринъ а любо мешчанинъ соидеть съ сего света, ино жона тая, вдова, доколе на вдовъимъ стольцы седит и именьемъ мужънимъ володаеть, а коли всхочеть пойти за иного мужа, ино ее силою замужъ не давати, а пойти ей с тымъ, што ей бул.еть мужъ записалъ, а штобы то было с ведома племени перъвого мужа а любо и инымъ добримъ людемъ, а именья оставити детемъ, а не будеть детей, ино братьи, а не будеть братьи, ино ближнимъ первого мужа.

Такъже на бояръскии люди и на мешчанскии сябры децких намъ и наместникомъ нашимъ не давати, а будет ли кому кривъда, ино перъзо в г(о)с(по)д(а)ра его искати правомъ. Пак ли не въсхочеть г(о)с(по)д(а)ръ его подобнымъ рокомъ права ему вчынити, ино намъ и наместникомъ нашимъ децъких давати; а вина, которая будеть осужена, ино г(о)с(по)д(а)ру своему заплатити.

А в люди намъ боярский не въступати ся.

А [воеводе нашому Полоцкому] мешчанъ одному не судити, судити ему з бояры и мешчаны.

А черезъ поруку в нятство не сажати.

А по муце веры не иняти.

А холопу и робе веры не иняти

А въ подводы намъ коней в полочанъ не брати, ни въ поселскихъ путъниковъ, ни въ сябровъ городских

Такежъ и зъ боярских и з мешчанъскихъ селъ людемъ ненадобе никакою служъбою тягнути к нашимъ кн(я)жимъ дворомъ.

А старыхъ судовъ намъ не посуживати, ани своихъ судовъ судивъши не посуживати.

А въ заставу намъ бояръ и мешчанъ || [511 адв.(495 адв.)] полоцких и посельских путниковъ не посылати; а застав нам в Полтескъ никоторых полочаномъ николи не давати безъ ихъ воли, а с нами имъ быти готовымъ на воину.

А по волости Полоцъкои воеводе нашому не езъдити. А поедет ли коли в ловы, ино по станомъ не дарити.

А доспееть ся в которог(о) полочанина татба, а доишчуть ся татбы, ино г(о)с(по)д(а)ру отъдати, а чого не достанет, ино татя выдати.

А бобри гнати по старой пошлине.

Такъже важъницу в замъку або в месте нашомъ Полоцъком, которую перъво того деръжали бояре посполу з мешчаны за предъковъ наших и за отъца нашого Казимира, короля его м(и)л(о)сти, а потомъ с тое важъницы брать нашъ Александръ, король его м(и)л(о)сть, платъ былъ взялъ ку его м(и)л(о)сти скарбу, мы, з ласки нашое, зася тую вагу и платъ с нее дали бояромъ и мешчаномъ наполы по-давъному подле суда и въставы отъца нашого, мають в кажъдыи год держати по два боярины а по два мешчанины и пттатъ с нее выбирати, и свою половину бояре мають обернути на свои потребы.

Такъже который домы и местца церквамъ Божьимъ здавъна нада-ны отъ предъковъ нашихъ, або вл(а)д(ы)ка и игуменья и иные кн(я)зи и бояре, и мешчане, и люди добрые прикупили к церквамъ Божимъ, а тые домы и местъца суть в замъку або серед места Полоцкого, и будет ли за панованье шчасное памяти отъца нашого Казимира, короля его м(и)л(о)сти, и вл(а)д(ы)ка и игуменя на тыхъ звечных местъцах цер-ковъных за собою слуги и иные закладни мели, мы и тепере вл(а)д(ы)це и игуменьи дозъволяемъ в тых церъковъных домехъ и на тых местъцах их слуги и иные закладъни за собою мети и их садити, а то тымъ обычаемъ, ижъ мають имъ служити, || [512(496)] а поземъ имъ, г(о)с(по)д(а)ремъ своимъ, с тых местецъ мають давати. И будеть ли который з них торгомъ ся обыходити, и они мають серебъшчину и ордыншчину з местомъ нашимъ платити.

А которые за местомъ фольваръки и поля, и сеножати церковъные вл(а)д(ы)ка и игуменья мають, на тых поляхъ и на сеножатех не мают торговых людей ани ремесных за собою садити, нежли мают садити людей сельских, который бы тамъ хлебъ робили.

Такеж бояре полоцъкие, тымъ жо обычаемъ, которые с них отъчинные свои домы и местъца внутри города мають, або на месте Полоцкомъ, и тежъ естли будеть ешчо за отъца нашого Казимира и за брата нашого Алексанъдра, королевъ ихъ м(и)л(о)сти, отци их и они слушънымъ а раднымъ обычаемъ которые дворыща покупили або з данины их м(и)л(о)сти мають, тымъ и тепере мы дозъволяемъ на тых дворышчахъ слугь и люди за собою садити и их судити по тому жъ. Который бы с нихъ хотели купетствомъ або ремесломъ которымъ обыходити, тое мают з мешчаны нашими серебъшчину и оръдыншчину платити и иные слушные поплатки ку пожитъку нашому и земъскому. А што ся тычет серебъшчины, которую жъ войт и бурмистры, и радци на свои потребы кладуть на место нашо, того церъковъным и бояръским людемъ помагати ненадобе.

Теж которые бояре будуть мети близъко места съ стародавна свои лесы и боры, и дубровы, и гаи, в тых их лесехъ и борех, и дубровах, и въ гаехъ не мають мешчане на свои потребы местьские дерева брати на будованье домовъ и на дрова, нежли мають мешчане на свои потребы дерево брати около места в наших борехъ и лесех, и дубровахъ, и гаехъ, где здавъна будуть бирали, а въ бояръскии не мають || [512 адв.(496 адв.)] брати. А естли бы который боярин своею доброю волею дозволилъ мешчаномъ въ своемъ лесе и борехъ, и дубровах дерево брати, ино то есть въ его воли.

Такъже в которого полочанина загудять воскъ в Ризе или инъде, а приидеть до Полоцка, ино полочаномъ взяти тотъ воскъ к собе в городъ.

А казнит полочаномъ по своему праву, а в то ся намъ не въступати.

А полочаномъ наших рекъ ни озер не таити, а хто потаить, и мы тыхъ сказънимъ.

А полочаны намъ не дарыти ся никому.

Также есмо и мыта имъ отъпустили по въсеи нашои державе и тежъ и серебъшчину отъпустили есмо имъ вечъно.

А которые полочане межи собою побьют ся, а за децъкимъ простят ся, ино намъ куница шерстью з миршчыны.

Такъже коли посварать ся полочане и выдадуть ся в кольце оба, ино то вина наша.

А будеть ли одинъ выдасть ся, а другии не выдасть ся, то есмо имъ отъпустили.

А за закладъную куницу брати по десяти грошей, а боръцу по два грошы.

Тежъ децкованья отъ рубля по чотыры гроши, а миля по грошу. А вл(а)д(ы)чнему слузе и боярскому по тому жъ децъкованье.

А воеводинымъ слугам тивунства городског(о) не держати, а с тивуномъ воеводинымъ слугам не ездити по волости Полоцкой.

А тивуну городскому давати на нашъ двор по три гроши на ден.

А на Черсвете воеводинымъ слугам не судити, судити тивуну по старой пошълине

Такъже на Невли суди не быти и по всей волости Полоцкой, судити воеводе на городе

А такъже вл(а)д(ы)це на попех полоцких куница собраная шерстью, а в пригон попом и игуменомъ ко вл(а)д(ы)це не ходити;

А ц(е)рковныи домы присмотряти старостамъ городскимъ.

А церковъных земль вл(а)д(ы)чным слугам не держати.

А грывострызцу по волости не ездити ани лну || [513 (497)] брати.

Такъже намъ, г(о)с(по)д(а)ру, давати намъ воеводу нашого полочаномъ по их воли, а который будеть воевода нашъ нелюбъ, и намъ имъ воеводу нашого дати по их воли.

А приехавъши воеводе нашому к Полоцъку, перъвого дня ему крестъ целовати к полочаномъ на томъ, штожъ безъ их справы полочанина не казънити ни въ чомъ.

А воеводу городомъ не дарити.

Tежъ полочаномъ всимъ жити в Полоцъку добровольно, покуль хто хочеть. А будет ли которому полочанину от насъ насильство, намъ его силою не держати, ино ему чисть путь, куда хто хочеть, безъ кажъдое зачепъки; а въ своем именьи совъсемъ воленъ, ида (АЗР: идучи) прочъ продасть, а любо которому приятелю своему прикажеть, в то намъ не въступати ся.

А который полочанинъ иметь намъ о чомъ жаловати ся о насили на полочанина жъ прыехавъши в Литву одинъ безъ истца, намъ з Литъвы децъкого не слати, писати намъ листъ свои к воеводе нашому, хотя о см(е)ртнои вине, ино ему судити по целованью, осудивши его, в Полоцъку жъ казнити виноватого по ихъ праву, с полочаны по испросу.

А воеводе нашому отъ пригонов городских посуловъ не брати

А чоломъбитье намъ в полочан приимати.

Также воеводе нашому отъ варь имати гостинца по полукопею всякое вара.

Стало ся и дано в Берести на великомъ сойме, лета Божего тисеча пятсотъ первого-на-десят [1511], м(е)с(е)ца июля двадъцать третий день, индикта четвертого-на-десять [14].

При томъ были велебныи врожени:

[1.] кн(я)зь Воитехъ, бискупъ виленскии,

[2.] воевода виленскии, канъцлер, панъ Миколаи Миколаевич;

[3.] воевода троцъкии, маръшалокъ дворныи, пан Григореи || [513 адв.(497 адв.)] Станиславович Остиковича;

[4.] пан Троцкий, староста жомоитскии, пан Станислав Янович;

[5.] воевода полоцъкии панъ Станиславъ Глебович;

[6.] староста городенскии панъ Станиславъ Петровичъ;

[7.] воевода витебъскии, маръшалокъ, староста берестеискии, пан Юрьи Ивановичъ Ильинича;

[8.] маршалокъ, наместникъ мелницкии, панъ Немира Грималичъ;

и иные Панове Рада наша.

А для лепшог(о) сведомъя и большое твердости и печат нашу казали есмо приложити к сему нашому листу.

***

Лiтоўская Метрыка. VIII, арк. 510 (494) -513 адв. (497 адв.).

Цытуецца ў адпаведнасцi з тэкстам прывiлея, надрукаваным у выданнi: Lietuvos Metrika = Lithuanian Metrika - Литовская Метрика. Кн. 8: (1499-1514). - V., 1994. С. 451-454. 

Вiшнеўскi А.Ф., Юхо А.Я. Гiсторыя дзяржавы i права Беларусi: У дакументах i матэрыялах (са старажытных часоў да нашых дзён). - Мн., 1998. - С. 76-80.