Грамата вялікага князя Літоўскага Жыгімонта І сялянам Магілёўскай воласці (вытрымкі) 01.07.1536

ГРАМАТА ВЯЛIКАГА КНЯЗЯ ЛIТОЎСКАГА ЖЫГIМОНТА I СЯЛЯНАМ МАГIЛЁЎСКАЙ ВОЛАСЦI
(Вытрымкi)

01.07.1536 г.

Жикгимонт. Ознаменуем тым то нашым листом, што жаловали нам мещане и вол. Могилевская на державцу могилевского кн. Василья Ивановича Соломирецкого.аж бы он ч кривды и тяжкости им великие делал, и брал на них узъезды по 70 коп грошей, а за полюдованье 60 коп грошей, а жита по 100 бочек, a oвca по 100 бочек, а сена по 100 воз, а по 20 яловиц, а по 12 сторожов на кождый год и о инышых тяжкостех своих жаловали. Якож мы з рамени нашого господарского казали того межы ними досмотрети комисарем нашим, который при дворе нашом судять, маршалку нашому кн. Андрею Михайорвичу Коширскому, а конюшему дворному, державцы кричовскому и менскому, пану Василью Богдановичу Чижу, а тивуну виленскому, державцы ушпольскому и пеняньскому и радуньскому пану Шимку Мацковичу, а городничему городенскому, державцы любошаньскому кн. Семену Одинцевичу, а секретару нашому латинскому, державцы скерстомонскому пану Павлу Нарушевичу. Они, того досмотревши, нам отказали. Якож мы того суда их реистр казали перед нами вычести и, выслухавши достаточне того реистру их, на том есмо зоставили…

А за полюдованье мають ему давати 60 коп грошей На узкую личбу, как и перед тым даивали, к чому ся теж и сами знали, а на живность жита 80 бочок, а овса 80 бочок, а сена 80 воз, а яловиц 16 на кождый год з волости, а з места мають давати по 20 бочок жита, а 20 бочок овсаа по 20 воз сена, а по 4 яловицы также в кождый год. А мають они тое жито давати державцы з близких сел, который облизу Могилева живуть, на день св. Николы зимнего, а з дальних сел мають давати на божье нароженье, а остаточный рок на три кроли, то ест на крещенье А естли бы на тыи 3 роки не выдали, тогды маеть то на них отправити. А отдаючы тое збожье, мають давати записного от бочки по пенезю.

А по 6 сторожов давати з места и з волости до замку ему послуги пешых, кром кликунов, а тыи сторожи, послугуючи ему, не мають не хмелев, ани горшков, ани ведер, ани каких стравных речей покуповати, одно мають послуговати державцы, коней его пасвити не мають…

А змирские куницы мають давати по 12 грошей узких могилевцы, а чужоволостец маеть змирскую куницу давати по старому.

А вины великие и малые мають быти на нас, господаря, нижли державцы маеть быти повинное от каждого рубля по 10 грошей. А то все мають и подданыи наши давати державцы на узкую личбу…

А который они меты мечуть на место и на волость на свои потребы, тых они метов не мають кидати на подданных наших без ведома и без воли державцы нашого, бо для таковых мет их подданным нашим тяжкость великая ся дееть и многий з них ся от того ся проч расходять и для того дань наша гинеть.

И во всем ся в том маеть державца с ними заховати водле уставы нашое.

И на тое есмо им дали сесь наш лист. Писан у Вильни под лета 1536 месяца июля 1 день, индикта 9.

***

БЭФ. Т. 1. Мн., 1959. С. 195-198. 

Вiшнеўскi А.Ф., Юхо А.Я. Гiсторыя дзяржавы i права Беларусi: У дакументах i матэрыялах (са старажытных часоў да нашых дзён). - Мн., 1998. - С. 88-89.