Мінкультуры ўдасканалены парадак распрацоўкі праектаў зон аховы нерухомых матэрыяльных гісторыка-культурных каштоўнасцей

Мінкультуры ўдасканалены парадак распрацоўкі праектаў зон аховы нерухомых матэрыяльных гісторыка-культурных каштоўнасцей.

Пастановай Міністэрства культуры Рэспублікі Беларусь ад 6 ліпеня 2022 г. № 52 зацверджана Інструкцыя аб парадку распрацоўкі праектаў зон аховы нерухомых матэрыяльных гісторыка-культурных каштоўнасцей.

Дакументам вызначана, что праект зон аховы распрацоўваецца для:

• забеспячэння захавання гісторыка-культурных каштоўнасцей і іх навакольнага асяроддзя;
• вырашэння асноўнай задачы аховы гісторыка-культурнай спадчыны – захаванне гісторыка-культурных каштоўнасцей у мэтах зберажэнняі памнажэння гісторыка-культурнай спадчыны і стварэння ўмоў для яе перадачы наступным пакаленням. 

Для аб’ектаў, якія размешчаны побач або ўваходзяць у склад комплексу або ансамблю, распрацоўваецца агульны праект зон аховы.

Заказчыкам работ па распрацоўцы праекта можа выступаць:

• уласнік (карыстальнік) гісторыка-культурнай каштоўнасці;
• землекарыстальнік, на зямельным участку якога размешчана гісторыка-культурная каштоўнасць;
• мясцовы выканаўчы і распарадчы орган (у выпадку распрацоўкі праекта зон аховы ў складзе горадабудаўнічых праектаў дэталёвага планавання).

Рапрацоўку праектаў зон аховы ажыццяўляюць:

• для гісторыка-культурных каштоўнасцей:
• праектныя арганізацыі, якія ажыццяўляюць распрацоўку горадабудаўнічых праектаў;
• праектнымі арганізацыі, у якіх працуе грамадзянін, які мае пасведчанне на кіраўніцтва распрацоўкай навукова-праектнай дакументацыі на выкананне рамонтна-рэстаўрацыйных работ на матэрыяльных гісторыка-культурных каштоўнасцях;
• індывідуальныя прадпрымальнікі, якія маюць адпаведнае пасведчанне;
• для помнікаў археалогіі навуковыя арганізацыі, дзяржаўныя і музейныя ўстановы, у якіх працуе грамадзянін, які мае вышэйшую адукацыю па спецыяльнасці «Археалогія», «Гісторыя (археалогія)»;
• для помнікаў гісторыі праектныя арганізацыі, дзяржаўныя і музейныя ўстановы, у якіх працуе грамадзянін, які мае адукацыю па спецыяльнасці «Архітэктура».

Інструкцыяй таксама ўсталяваны:

• патрабаванні да распрацоўкі праектаў зон аховы і да матэрыялаў навуковых даследаванняў;
• парадак вызначэння тэрыторыі гісторыка-культурных каштоўнасцей, зоны аховы, межаў, рэжымаў ўтрымання і выкарыстання зон аховы;
• парадак зацвярджэння праекта зон аховы.

Сачыце за раздзелам «Официальное опубликование».

 Іншыя навіны Pravo.by.