/ / Новости PRAVO.BY
11.11.2020

Заснаваны герб і сцяг Гродзенскага раёна

У адпаведнасці з Указам Прэзідэнта Рэспублікі Беларусь ад 10 лістапада 2020 г. № 410 заснаваны герб і сцяг Гродзенскага раёна, а таксама зацверджаны палажэнні аб іх, апісанне і выява.

Заснаваныя геральдычныя сімвалы з’яўляюцца ўласнасцю Гродзенскага раёна. Правам распараджацца імі валодае Гродзенскі раённы выканаўчы камітэт.

Выява герба і флаг могуць размяшчацца:

  • на будынках, у якіх знаходзяцца органы мясцовага кіравання і самакіравання Гродзенскага раёна;
  • у памяшканнях для пасяджэнняў гэтых органаў;
  • у службовых кабінетах іх кіраўнікоў.

Дадзеныя сімвалы могуць выкарыстоўвацца падчас дзяржаўных свят і святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, а таксама пры правядзенні народных, працоўных, сямейных свят, спартыўных гульняў і мерапрыемстваў, прымеркаваных да памятных дат.

Што тычыцца апісання сімвалаў, то герб Гродзенскага раёна ўяўляе сабой чырвоны варажскі шчыт, апраўлены справа і злева слупамі серабрыстага колеру, зверху – папярочкай такога ж колеру, знізу – хвалістай блакітнай пятой. У цэнтры поля размешчана залацістая галава зубра з рагамі серабрыстага колеру.

Герб Гродненского района

Флаг Гродзенскага раёна ўяўляе сабой прамавугольнае палотнішча чырвонага колеру з суадносінамі бакоў 1:2, у цэнтры вонкавага боку якога размешчаны герб Гродзенскага раёна.

Флаг Гродненского района

Указ уступае ў сілу пасля афіцыйнага апублікавання.

За афіцыйным апублікаваннем сачыце ў раздзеле «Официальное опубликование».

Іншыя навіны Pravo.by.

Па інфармацыі Нацыянальнага прававога Iнтэрнэт-партала Рэспублікі Беларусь
Пры выкарыстанні матэрыялу спасылка на крыніцу абавязковая!

Нашли ошибку? Выделите текст с ошибкой и нажмите «Ctrl+Enter».