УКАЗ ПРЭЗІДЭНТА РЭСПУБЛІКІ БЕЛАРУСЬ
15 жніўня 2022 г. № 282
Аб афіцыйных геральдычных сімвалах Вышэйшай атэстацыйнай камісіі
Изменения и дополнения:
Указ Президента Республики Беларусь от 23 июня 2023 г. № 180 (Национальный правовой Интернет-портал Республики Беларусь, 28.06.2023, 1/20899) <P32300180>
У мэтах захавання і развіцця гістарычных традыцый Вышэйшай атэстацыйнай камісіі пастанаўляю:
1. Заснаваць:
эмблему Вышэйшай атэстацыйнай камісіі;
флаг Вышэйшай атэстацыйнай камісіі;
нагрудны знак адрознення Вышэйшай атэстацыйнай камісіі;
нагрудны знак Вышэйшай атэстацыйнай камісіі «За заслугі».
2. Зацвердзіць:
Палажэнне аб эмблеме Вышэйшай атэстацыйнай камісіі, яе апісанне і выяву (прыкладаюцца);
Палажэнне аб флагу Вышэйшай атэстацыйнай камісіі, яго апісанне і выяву (прыкладаюцца);
Палажэнне аб нагрудным знаку адрознення Вышэйшай атэстацыйнай камісіі, яго апісанне і выяву (прыкладаюцца);
Палажэнне аб нагрудным знаку Вышэйшай атэстацыйнай камісіі «За заслугі», яго апісанне і выяву (прыкладаюцца).
3. Фінансаванне расходаў на выраб заснаваных дадзеным Указам афіцыйных геральдычных сімвалаў і пасведчанняў да нагруднага знака Вышэйшай атэстацыйнай камісіі «За заслугі» ажыццяўляць у межах сродкаў, прадугледжаных у рэспубліканскім бюджэце на ўтрыманне Вышэйшай атэстацыйнай камісіі.
4. Дадзены Указ уступае ў сілу пасля яго афіцыйнага апублікавання.
Прэзідэнт Рэспублікі Беларусь | А.Лукашэнка |
| ЗАЦВЕРДЖАНА Указ Прэзідэнта |
ПАЛАЖЭННЕ
аб эмблеме Вышэйшай атэстацыйнай камісіі
1. Эмблема Вышэйшай атэстацыйнай камісіі (далей – эмблема) з’яўляецца атрыбутам і адметным знакам Вышэйшай атэстацыйнай камісіі.
2. Выява эмблемы размяшчаецца на геральдычных сімвалах Вышэйшай атэстацыйнай камісіі, афіцыйным сайце ў глабальнай камп’ютарнай сетцы Інтэрнэт, ганаровых граматах Вышэйшай атэстацыйнай камісіі і падзяках Старшыні Вышэйшай атэстацыйнай камісіі.
3. Выява эмблемы можа выкарыстоўвацца на друкаванай, рэкламнай, сувенірнай прадукцыі, а таксама ў іншых выпадках, якія не супярэчаць заканадаўству.
4. Выява эмблемы можа размяшчацца ў службовых кабінетах Старшыні Вышэйшай атэстацыйнай камісіі, яго намесніка, галоўнага вучонага сакратара Вышэйшай атэстацыйнай камісіі і ў іншых месцах, якія вызначаюцца Старшынёй Вышэйшай атэстацыйнай камісіі.
5. Пры адначасовым размяшчэнні Дзяржаўнага герба Рэспублікі Беларусь і эмблемы іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 г. № 301-З «О государственных символах Республики Беларусь».
| ЗАЦВЕРДЖАНА Указ Прэзідэнта |
АПІСАННЕ
эмблемы Вышэйшай атэстацыйнай камісіі
Эмблема Вышэйшай атэстацыйнай камісіі ўяўляе сабой круг з акантоўкай цёмна-сіняга колеру.
Унутры круга на сінім фоне размяшчаюцца скрутак і стылізаваная выява двух электронаў з арбітай серабрыстага колеру.
На серабрыстым скрутку – стылізаваныя літары «ВАК» залацістага колеру. Пры гэтым перакладзіна літары «А» выяўлена як сімвал бясконцасці.
Унутры круга з левага боку пад скруткам і арбітай электронаў размешчана лаўровая галінка залацістага колеру.
Па контуры круга – надпіс на белым фоне літарамі сіняга колеру «ВЫШЭЙШАЯ АТЭСТАЦЫЙНАЯ КАМІСІЯ РЭСПУБЛІКІ БЕЛАРУСЬ». У ніжняй частцы контуру круга знаходзіцца элемент беларускага арнаменту – стылізаваная выява васілька.
| ЗАЦВЕРДЖАНА Указ Прэзідэнта |
ВЫЯВА
эмблемы Вышэйшай атэстацыйнай камісіі
| ЗАЦВЕРДЖАНА Указ Прэзідэнта |
ПАЛАЖЭННЕ
аб флагу Вышэйшай атэстацыйнай камісіі
1. Флаг Вышэйшай атэстацыйнай камісіі (далей – флаг) з’яўляецца яе афіцыйным геральдычным сімвалам.
2. Флаг можа размяшчацца на будынку Вышэйшай атэстацыйнай камісіі, у службовых кабінетах Старшыні Вышэйшай атэстацыйнай камісіі, яго намесніка, галоўнага вучонага сакратара Вышэйшай атэстацыйнай камісіі і ў іншых месцах, якія вызначаюцца Старшынёй Вышэйшай атэстацыйнай камісіі.
3. Пры адначасовым размяшчэнні Дзяржаўнага флага Рэспублікі Беларусь, флага і іншых флагаў іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 г. № 301-З «О государственных символах Республики Беларусь».
4. Флаг можа выкарыстоўвацца падчас дзяржаўных свят і святочных дзён, а таксама пры правядзенні афіцыйных, прэзентацыйных, выставачных, культурна-масавых і спартыўных мерапрыемстваў, у тым ліку за межамі адміністрацыйнага будынка (памяшканняў) Вышэйшай атэстацыйнай камісіі.
| ЗАЦВЕРДЖАНА Указ Прэзідэнта |
АПІСАННЕ
флага Вышэйшай атэстацыйнай камісіі
Флаг Вышэйшай атэстацыйнай камісіі ўяўляе сабой прамавугольнае палотнішча сіняга колеру з суадносінамі бакоў 1:2. У цэнтры пярэдняга і адваротнага бакоў палотнішча размешчана выява эмблемы Вышэйшай атэстацыйнай камісіі дыяметрам 3/4 шырыні палотнішча.
| ЗАЦВЕРДЖАНА Указ Прэзідэнта |
ВЫЯВА
флага Вышэйшай атэстацыйнай камісіі
Пярэдні бок
Адваротны бок
| ЗАЦВЕРДЖАНА Указ Прэзідэнта |
ПАЛАЖЭННЕ
аб нагрудным знаку адрознення Вышэйшай атэстацыйнай камісіі
1. Нагрудны знак адрознення Вышэйшай атэстацыйнай камісіі (далей – нагрудны знак адрознення) з’яўляецца сімвалам прыналежнасці да сферы атэстацыі навуковых работнікаў вышэйшай кваліфікацыі.
2. Нагрудны знак адрознення ўручаецца работнікам Вышэйшай атэстацыйнай камісіі, членам Прэзідыума і экспертных саветаў Вышэйшай атэстацыйнай камісіі.
3. Парадак уручэння нагруднага знака адрознення ўстанаўліваецца Старшынёй Вышэйшай атэстацыйнай камісіі.
4. Нагрудны знак адрознення носіцца на адзенні ў раёне грудзей на правым або левым баку.
5. Паўторнае ўручэнне нагруднага знака адрознення не ажыццяўляецца. У выпадку страты нагруднага знака адрознення яго дублікат не выдаецца.
| ЗАЦВЕРДЖАНА Указ Прэзідэнта |
АПІСАННЕ
нагруднага знака адрознення Вышэйшай атэстацыйнай камісіі
Нагрудны знак адрознення Вышэйшай атэстацыйнай камісіі ўяўляе сабой дыск, выкананы з металу серабрыстага колеру, дыяметрам 22 мм, таўшчынёй 2 мм. У цэнтры пярэдняй часткі дыска, залітай эмаллю сіняга колеру, размешчана стылізаваная выява скрутка і двух электронаў з арбітай серабрыстага колеру. На серабрыстым скрутку – стылізаваныя літары «ВАК» залацістага колеру, злева пад скруткам і арбітай электронаў – стылізаваная выява лаўровай галінкі залацістага колеру.
Па вонкавай акружнасці белага колеру пярэдняй часткі дыска размешчаны надпіс утопленымі літарамі, залітымі сіняй эмаллю, «ВЫШЭЙШАЯ АТЭСТАЦЫЙНАЯ КАМІСІЯ РЭСПУБЛІКІ БЕЛАРУСЬ», у ніжняй частцы вонкавай акружнасці знаходзіцца элемент беларускага арнаменту – стылізаваная выява васілька.
Адваротны бок дыска гладкі.
Нагрудны знак адрознення Вышэйшай атэстацыйнай камісіі мацуецца да адзення пры дапамозе цангавага мацавання.
| ЗАЦВЕРДЖАНА Указ Прэзідэнта |
ВЫЯВА
нагруднага знака адрознення Вышэйшай атэстацыйнай камісіі
| ЗАЦВЕРДЖАНА Указ Прэзідэнта |
ПАЛАЖЭННЕ
аб нагрудным знаку Вышэйшай атэстацыйнай камісіі «За заслугі»
1. Нагрудны знак Вышэйшай атэстацыйнай камісіі «За заслугі» (далей – нагрудны знак) з’яўляецца сімвалам, які заснаваны з мэтай стымулявання актыўнай і эфектыўнай дзейнасці ў галіне падрыхтоўкі і (або) атэстацыі навуковых работнікаў вышэйшай кваліфікацыі, а таксама значнага ўкладу ў выкананне асноўных задач, якія стаяць перад Вышэйшай атэстацыйнай камісіяй.
2. Нагрудным знакам узнагароджваюцца:
2.1. асобы, якія ўдзельнічаюць у рабоце органаў атэстацыі навуковых работнікаў вышэйшай кваліфікацыі – Прэзідыума Вышэйшай атэстацыйнай камісіі, экспертных саветаў Вышэйшай атэстацыйнай камісіі, саветаў па абароне дысертацый;
2.2. работнікі Вышэйшай атэстацыйнай камісіі і іншыя асобы, якія працуюць у дзяржаўных органах і арганізацыях, у тым ліку падпарадкаваных Прэзідэнту Рэспублікі Беларусь, і садзейнічаюць развіццю сістэмы падрыхтоўкі і атэстацыі навуковых работнікаў вышэйшай кваліфікацыі;
2.3. асобы, якія працуюць у навуковых арганізацыях і ўстановах вышэйшай адукацыі, установах дадатковай адукацыі дарослых і прымаюць удзел у забеспячэнні функцыянавання сістэмы навукова-арыентаванай адукацыі;
2.4. навуковыя кіраўнікі (навуковыя кансультанты) саіскальнікаў вучоных ступеняў, пад навуковым кіраўніцтвам (навуковым кансультаваннем) якіх дасягнуты значныя навуковыя вынікі.
3. Парадак прадстаўлення да ўзнагароджання нагрудным знакам і форма пасведчання да яго ўстанаўліваюцца Старшынёй Вышэйшай атэстацыйнай камісіі.
4. Узнагароджанне нагрудным знакам ажыццяўляецца на падставе загада Старшыні Вышэйшай атэстацыйнай камісіі.
5. Нагрудны знак і пасведчанне да яго ўручаюцца ва ўрачыстай абстаноўцы Старшынёй Вышэйшай атэстацыйнай камісіі або па яго даручэнні намеснікам Старшыні.
6. Нагрудны знак носіцца на правым баку грудзей і размяшчаецца ніжэй за дзяржаўныя ўзнагароды Рэспублікі Беларусь, а пры адсутнасці такіх узнагарод – на іх месцы.
7. Паўторнае ўзнагароджанне нагрудным знакам не ажыццяўляецца. У выпадку страты нагруднага знака і (або) пасведчання да яго дублікаты не выдаюцца.
8. Узнагароджаныя нагрудным знакам асобы, якія ўчынілі наўмыснае злачынства або дапусцілі дыскрэдытуючы ўчынак, могуць быць пазбаўлены нагруднага знака па рашэнні Старшыні Вышэйшай атэстацыйнай камісіі.
| ЗАЦВЕРДЖАНА Указ Прэзідэнта |
АПІСАННЕ
нагруднага знака Вышэйшай атэстацыйнай камісіі «За заслугі»
Нагрудны знак Вышэйшай атэстацыйнай камісіі «За заслугі» (далей – нагрудны знак) уяўляе сабой дыск, выкананы з металу серабрыстага колеру, дыяметрам 30 мм, таўшчынёй 3 мм. У цэнтры пярэдняй часткі дыска, залітай эмаллю сіняга колеру, размешчана стылізаваная выява скрутка і двух электронаў з арбітай серабрыстага колеру. На серабрыстым скрутку – стылізаваныя літары «ВАК» залацістага колеру, злева пад скруткам і арбітай электронаў – стылізаваная выява лаўровай галінкі залацістага колеру.
Па вонкавай акружнасці белага колеру пярэдняй часткі дыска знаходзіцца надпіс утопленымі літарамі, залітымі сіняй эмаллю, «ВЫШЭЙШАЯ АТЭСТАЦЫЙНАЯ КАМІСІЯ РЭСПУБЛІКІ БЕЛАРУСЬ», у ніжняй частцы вонкавай акружнасці размяшчаецца элемент беларускага арнаменту – стылізаваная выява васілька.
Адваротны бок дыска гладкі з гравіроўкай парадкавага нумара нагруднага знака.
Нагрудны знак пры дапамозе вушка і кольца злучаецца з прамавугольнай калодкай, выкананай з металу серабрыстага колеру. На ніжняй планцы калодкі з вонкавага боку – беларускі арнамент, заліты сіняй эмаллю. Памер калодкі: вышыня – 18 мм, шырыня – 28 мм. Калодка абцягнута муаравай стужкай з вертыкальнымі лініямі зялёнага і чырвонага колераў з левага і правага бакоў. У цэнтры стужкі ёсць вобласць сіняга колеру, падзеленая напалову белай лініяй.
Нагрудны знак мацуецца да адзення пры дапамозе шпількі, якая знаходзіцца з адваротнага боку калодкі.
| ЗАЦВЕРДЖАНА Указ Прэзідэнта |
ВЫЯВА
нагруднага знака Вышэйшай атэстацыйнай камісіі «За заслугі»
